Corre o vento, o río pasa.
Corren nubes, nubes corren
camiño da miña casa.
Miña casa, meu abrigo;
Vanse todos, eu me quedo
Sin compaña nin amigo.
Eu me quedo contemprando
As laradas das casiñas
Por quen vivo suspirando.
Ven a noite..., morre o día,
As campanas tocan lonxe
O tocar da Ave María.
Elas tocan pra que rece;
Eu non rezo, que os saloucos
Afogándome parece
Que por min tén que rezar
Campanas de Bastabales,
Cando vos oio tocar,
Mórrome de soidades.
* Rosalía de Castro, in «Poema de Cantares Gallegos» *
Sem comentários:
Enviar um comentário